s' Bluememeitli persönlich...

 s'Blumemeitli isch nöd eifach än Name....viel meh ischs mini Liideschaft und das wo mich unter anderem jedä Tag zum strahle bringt! ;-)

 

Ich liebs mit däm wo us dä Natur chunnt und schönä Vintage Sache wo mit Liebi zum Detail usgsuecht sind,  einzigartigi Werk z zaubere wo nachher mängs Gsichter zum strahle bringet.

 

Chann ich dur dä Garte laufe und all die schönä Pflanze, Blüete, Beeri und Tierli bewunderä so bin ich überglücklich das ich das dörf usläbe wo so viel schöni Sache mit sich bringt.

Mär entdeckt jedä Tag wieder öppis neus öbs jetzt äs Babyschnäggli isch oder ä Farbkombination wo mich grad fasziniert...gnau das möcht ich i mine Werk au a eu wiiter geh.

Öppis wo ich bsunders a eusere Schwiiz schätze sind die 4 Jahresziite, ischs nöd wunderbar diä dörfe immer wieder neu z erläbe?

Drum finded ihr bi mir, saisonali us em eigete Garte oder us dä Region gschnitteni Blueme, Zapfe vo dä letschte Wanderig und Blätter vom letschte Spaziergang.

 

Us all däne Werkstoff entstönd einzigartigi natürlichi, verspielti,saisonali, romantischi mit Liebi zum Detail gstalteti Blueme Werk.